عيون الناس..

اليوم وانا واقف ع الهامش.. ما حسيت بالعجز.. مع انو كان العجز واقف جنبي.. تركتو ومشيت..

لأول مرة من سنين بترك العجز وبمشي.. صرت إجؤر بعيون الناس.. ما همني الشبيح من العوايني صرت إقرا عيونون.

هالمرة ذكرى وفاة أبو إجت برمضان.. واللعنة على روحو وروح ابو حاضرة مع كل تفصيلة بالبلد.. من آذان السحور لصلاة الضهر والغفوة بالجامع.. للهفة لرجعة البيت ودلدئت المي الباردة.

والله احترنا هلاء كلنا خلفاء هالأرض يلي الله خلقنا كلنا عليها.. ولا بس كم واحد هنن الخلفاء والباقي كومبارس ناطق؟؟.

خلئنا ليتفششو فينا هالكم خليفة.. ويلعبو فينا شطرنج شعبي، والملك أو نحرق الرقعة.. هاد شعار اللعبة الوسخة.. وبعدك على بالي.

الحلقات

دولة المافيا
٢٧ فبراير ٢٠١٧
مزراب
٢٧ فبراير ٢٠١٧
والله محتاجك..
١٥ فبراير ٢٠١٧
موسيقا..
١٥ فبراير ٢٠١٧
اظهر المزيد من الحلقات