الحلقة الثامنة - العقم

متل مامنعرف مجتمعاتنا العربية بشكل عام كتير بتهتم لموضوع الانجاب .. يعني مجرد ما العريسين اتزوجوا وقبل ماتمرق سنة على زواجهم بيبلشوا الأهل من الطرفين ينقوا على موضوع الخلفة!




و يالطيف إذا بتمرق هالسنة و مابيكون في حمل .. ساعتها بيبلش القلق و الأسئلة و المخاوف بتكتر لدرجة بتخلي الزوجين ماعاد يفكروا غير بالخلفة بس لحتى يخلصوا من الالحاح و النق المستمر ويرضوا أهلهم و يطمنوهم على مستقبل العيلة و اسم العيلة.

المشكله بتصير لما بيطلع أنو واحد من الزوجين مابيجيب أولاد.. ومع انه هالمشكلة بتكون كتير مأثرة فيهم و قاسية عليهم مع هيك بيصيروا بدهن يفكروا بطريقه يخبروا فيها الناس يلي حوليهم يعني بياكلوا هم الناس و حكي الناس أكتر مابياكلوا هم حالهن.

في حلقة اليوم من "لو كنت مكاني" بتحكيلنا يارا صبري عن موضوع الإنجاب، ونق العيلة بعد الزواج مباشرة، وكيف بصير الحمل هو الهم الوحيد بعد الزواج، وهم الزوجين من حكي الناس لما يطلع أحد الزوجين ما بخلف.
 

الحلقات