ع طريقتنا | 2 02 2024
جواز سفر مع ختم المغادرة لوين ما بتفرق هاد حلم بعض الشباب والصبايا يلي معتبرين حالهم بسجن كبير بسوريا.
وهنن ونايمين وهنن وصحيانين ما في ع لسانهم غير سيرة السفر، وعم يسعوا بكل شي بيقدروا عليه ليطلعوا برا البلد، بوقت في منهم سافروا وندمانين ع قرار السفر لأسباب كتيرة، منها الغربة والبعد عن الأهل لهيك عندهم هاجس يشوفو آرمة كبيرة مكتوب عليها سوريا ترحب بكم.
أما في ناس بسوريا بس تنفتح جنبهم سيرة السفر بخافوا وبيسألوا حالهم أسئلة أنا أذا طلعت شو بدي اشتغل؟، معقول اخسر شغلي يلي صرلي سنين عم أسس فيه؟، كيف بدي اترك أهلي؟، طيب إذا بدي سافر معي كلفة السفر؟ .. اتأخرت بالقرار وكان لازم أخدوا من أول الأزمة.
موضوع الهجرة والسفر للسوريين بين الحلم والإجبار؟ البعض دفعتهم الظروف القاسية لاتخاذ هالقرار والبعض لسه عم يفكر ومحتار.
أنوار مع نجوى ولين اجتمعوا وناقشوا موضوع الهجرة والسفر على طريقتهم اسمعوهم بهالحلقة من بودكاست "ع طريقتنا"، وخبرونا مين منكم سافر وندمان على قرار السفر ويلي لسه بسوريا ليش لهلأ ما سافرتوا ، وكيف بتشوفوا حيات يلي عايشين برات البلد؟.