الحب، الإرتباط والإنجاب، من الطبيعي وقت نسمع بهالأخبار أو وقت تصير معنا نكون بحالة من السعادة .. بس عند السوريين الوضع مختلف ومشاعر الخوف هي المسيطرة عليهم بكل مفصل بحياتهم.

الخوف عند السوريين صار شعور طبيعي بظروف غير طبيعية مثل الخوف من الاحداث الماضية والمستقبل،  الخوف من انهم يبقوا بالبلد أو حتى أنهم يسافروا، الخوف من الوحدة والخوف من أنه تمرق عشر سنين كمان وهنن لساتن بمكانهم والخوف هو يلي منعهم من تغيير أحوالهم.

كتير من أطباء والمعالجين النفسيين خلال الحرب قالوا إنه الوحدة هي أهم المخاوف يلي عم يعاني منها الشباب والصبايا اليوم، معقول! صار الموت آخر شي ممكن نخاف منه؟

اسمعوا هالحلقة من بودكاست "ع طريقتنا"، مع أنوار وهناء واتعرفوا على مخاوف الشباب والصبايا بسوريا، وخبرونا كيف بتتغلبوا على مخاوفكم؟